इलामको माईजोगमाईमा बालाचतुर्दशीको अवसर पारेर गत ११ बाट संचालित बालाचतुर्दशी कप अन्तर्गत आज ३ खेल हरु सम्पन्न भएको छ । आजको पहिलो खेल एफएफसी माईजोगमाई २ लाई ०/३ गोल अन्तरले पराजित गर्दै प्रेमेजुङ एफसिले दोस्रो चरणमा स्थान सुरक्षित गरेको छ । पहिले हाफ २ गोलले अग्रता लिएको प्रेमेजुङले दोस्रो हाफमा थप १ गोल गर्यो ।
आजको दोस्रो खेलमा आरआरसि प्याङलाई ४/१ को फराकिलो गोल अन्तरले पराजित गर्दै नामसालिङ एफसी क्वाटरफाइनल प्रवेश गरेको छ ।पहिलो हाफ १ गोल गरेको नामसालिङले दोस्रो हाफमा थप ३ होल गर्दै आफुलाई क्वाटरफाइनलमा सुरक्षित गर्यो ।
त्यस्तै आजै भएको तेस्रो तथा अन्तिम खेलमा रेड डेभिल्स नयाँबजारले आर आर सि प्याङलाई ५/१ गोल अन्तरले पराजित गर्दै क्वाटरफाइनलमा सुरक्षित गर्यो । आजबाट पहिलो चरणको खेलहरु सम्पन्न भएको छ ,भोलिबाट दोस्रो चरणको खेलहरु संचालन हुनेछन ।
बालाचतुर्दशी मेला आयोजक समितिले आयोजना गरेको माईजोमाई क्लब स्तरीय पुरुष फुटबलको विजेता टिमले नगद रु ५० हजार , ट्रफी , मेडल र प्रमाणपत्र प्राप्त गर्ने छ भने उपविजेता टिमले नगद रु ३० हजार ,ट्रफी , मेडल र प्रमाणपत्र प्राप्त गर्नेछ । बालाचतुर्दशी कपको फाइनल खेल आगामी मंसिर १९ गते सम्पन्न हुनेछ ।
