माईजोगमाई गाउँपालिका वडा नं ६ प्याङमा हिजोबाट प्याङ खेलकुद बिकास समितिको आयोजनामा शिवरात्री गोल्डकप सुरु भएको छ । प्याङ खेलकुद बिकास समितिका अध्यक्ष दोर्जी शेर्पाको अध्यक्षता तथा माईजोगमाई गाउँपालिका वडा नं ६ का वडाध्यक्ष दिपेश सोङ्मीको प्रमुख आथित्यता हिजो खेलको उद्घाटन भएको हो ।
हिजोको खेलमा जौबारी फुटबल क्लव र स्रिजङ्गा सिर्जनशिल समाज बिचको खेलमा जौवारी फुटबल क्लव दोस्रो चरणमा प्रवेश गरेको छ । हिजो नै संचालित खेलमा पूर्व क्षितिज सोयाङ र इगला फुटबल क्लव बिच भएको खेलमा इग्ला फुटबल क्लव दोस्रो चरणमा प्रबेश गरेको छ । प्यङ ४ र मझुवा युनाईटेड बिच भएको खेलमा प्याङ ४ दोस्रो चरणमा पुगेको हो । त्यस्तै प्याङ जुनियर र माईबेनी फुटबल क्लव बिच भएको खेलमा जुनियर फुटबल क्लव दोस्रो चरणमा प्रबेश गरेको छ ।
आज पनि बिभिन्न ७ खेलहरु हुने आयोजकले जानकारी दिएको छ । खेलको बिजेताले नगत रु ५०००० साथमा ट्रफी मेडल र प्रमाण पत्र हात पार्ने छ भने उपबिजेता टिमले रु ३०००० साथमा ट्रफी मेडल र प्रमाण पत्र हात पार्ने र बिभिन्न बिधाका खेल्लाडीहरुलाई पनि पुरस्कारको ब्यवस्था रहेको आयोजकले जनाएको छ । खेलको फाईनल खेल फगुन २७ गते प्याङ माबिको खेल मैदानमा हुने छ ।
