हात्तीले आक्रमण गर्दा इलाममा एक जनाको मृत्यु

इलामको चुलाचुली गाउँपालिकामा हात्तीको आक्रमणबाट एकजनाको मृत्यु भएको छ ।

गएराति हात्ती खेदाउन जाँदा चुलाचुली १ का ७३ वर्षे राजकुमार राईको मृत्यु भएको प्रहरीले जनाएको छ । उनी त्यही गाउँपालिकाको वडा २, निगुरेमा खेती गरी बस्दैथिए ।

उनलाई गएराति साढे ७ बजेतिर हात्तीले आक्रमण गरी गम्भीर घाइते बनाएको थियो । उनको उपचारक्रममा दमकको लाइफलाइन अस्पतालमा राति १० बजे मृत्यु भएको जिल्ला प्रहरी प्रमुख एसपी प्रभुप्रसाद ढकालले जानकारी दिए