सरकारी निकायका वेबसाइटहरू सञ्चालनमा नआउँदा सेवाग्राहीले आवश्यक सूचना तथा विवरण प्राप्त गर्न समस्या भोग्नुपरेको छ। सरकारी सूचना, सेवा तथा विभिन्न विवरण अनलाइनमार्फत प्राप्त गर्ने अपेक्षा गरिरहेका नागरिक वेबसाइट नखुल्दा अन्योलमा परेका छन् ।
डिजिटल प्रविधिको प्रयोग बढ्दै गएको अवस्थामा सरकारी वेबसाइट नागरिकका लागि सूचना प्राप्त गर्ने महत्त्वपूर्ण माध्यम बनेका छन्। तर वेबसाइट नै नखुल्ने वा सहज रूपमा सञ्चालन नहुने समस्याले सरकारी सूचना तथा सेवामा नागरिकको पहुँच प्रभावित हुन सक्ने देखिएको छ।
विशेषगरी सरकारी निर्णय, सूचना, सार्वजनिक खरिद, सेवा प्रवाह, कर्मचारीसम्बन्धी विवरण तथा अन्य आवश्यक जानकारी खोज्ने सेवाग्राहीलाई वेबसाइट नखुल्दा कठिनाइ हुने गरेको छ ।
सरकारले सार्वजनिक सेवा प्रवाहलाई प्रविधिमैत्री बनाउने नीति अघि बढाइरहेको अवस्थामा सरकारी वेबसाइटको नियमित सञ्चालन, प्राविधिक समस्या समाधान र सूचना अद्यावधिकमा सम्बन्धित निकायले विशेष ध्यान दिन आवश्यक देखिन्छ ।
वेबसाइटमा समस्या देखिएको लामो समयसम्म पनि समाधान हुन नसके सेवाग्राहीले वैकल्पिक माध्यमबाट सूचना खोज्नुपर्ने अवस्था आउन सक्छ। त्यसैले सम्बन्धित निकायले वेबसाइटको अवस्था जाँच गरी समस्या पहिचान गर्न र यथाशीघ्र सञ्चालनमा ल्याउन पहल गर्नुपर्ने आवश्यकता छ ।
