देवान फुटबल क्लब र नामसालिङ फुटबल क्लब शिवरात्री गोल्डकपको फाईनलमा प्रवेश

माईजोगमाई गाउपालिका वडा नं ६ प्याङमा प्याङ खेलकुद बिकास समितिको आयोजनामा संचालन भईरहेको शिवरात्री गोल्डकपको सेमिफाईनल खेल सम्पन्न भएको छ । आज भएको सेमिफाईनल खेल अन्तरगत जौवारी फुटबल क्लव र नामसालिङ फुटबल क्लव बिच भएको खेलमा खेल अवधिभरमा दुवै टिमबाट कुनै पनि गोल गर्न नसकी खेल ट्राईब्रेकरमा पुगेको थियो । ट्राईब्रेकरमा ३ का बिरूद्द ५ गोल गर्दै नामसालिङ फुटबल फाईनलमा प्रवेश गरेको छ ।
त्यसैगरी इडेन भ्यालि र देवान फुटबल क्लब बिच भएको खेलमा खेल अवधिभरमा दुवै टिमबाट १-१ गोल भई खेल ट्राईब्रेकरमा पुगेको हो । ट्राईब्रेकरमा ३ का बिरूद्द ४ गोल गर्दै देवान फुटबल क्लब फाईनलमा पुगेको छ ।
खेलको फाईनल खेल फागुन २७ गते आईतबार प्याङ माबिको खेलमैदानमा हुने छ । खेलको बिजेता टिमले नगद रू ५०००० साथमा ट्रफी मेडल र प्रमाण पत्र हात पार्ने छ भने उपबिजेता टिमले नगद ३०००० साथमा ट्रफी मेडल र प्रमाण पत्र हात पार्ने छ । फाईनल खेलको दिन माईजोगमाई गाउपालिका र संदकपुर गाउपालिका बिच मैत्रीपूर्ण महिला फुटबल खेल साथमा विभिन्न सांस्कृतिक कार्यक्रमहरू समेत रहने आयोजकले जनाएको छ ।
फाईनल खेलको प्रत्यक्ष प्रसारण माईजोगमाई खवरको फेसबुक पेजमा हेर्न सकिने छ ।