इलाममा जारी प्रथम अन्तरपालिका उपप्रमुख महिला फुटबलमा जित हासिल गर्दै माईजोगमाई गाउँपालिका सेमीफाइनल प्रवेश गरेको छ । क्वाटरफाइनल खेलमा फाकफोकथुम गाउँपालिकालाई १–० गोल अन्तरले हराउँदै अन्तिम ४ मा स्थान सुरक्षित गरेको हो ।
माईजोगमाईको जितमा सुनिता बसेलले दोश्रो हाफको ९ औ मिनेटमा गरेको गोल निर्णायक बन्यो । फाकफोथुमका डिफेन्डरले क्लियर गरेको बललाई डिबक्स बाहिरबाट उनले गरेको प्रहार सहजै गोलमा परिणत भएको थियो । निर्णायक गोलकर्ता बसेल वुमन अफ दि म्याच घोषित भइन् ।उनले नगद ३ हजार र ट्रफी प्राप्त गरिन् ।
प्रतियोगिताको दोश्रो क्वाटरफाइनल खेलमा माई नगरपािलका र सन्दकपुर गाउँपालिका भिड्दैछन् । माईभ्याली फुटबल क्लबको आयोजनामा फागुन १९ गतेसम्म चल्ने प्रतियोगितामा इलामको १० वटा स्थानीय तहका महिला टिमको सहभागिता रहेको छ । बिजेताले २ लाख र उपविजेताले १ लाख रुपैया प्राप्त गर्नेछन् ।
