सन्दकपुर–३ मा ग्याँस विस्फोट हुँदा एक घर जलेर नष्ट

इलामको सन्दकपुर गाउँपालिका–३ सुलुबुङमा सिलिन्डर ग्याँस विस्फोट हुँदा एक घर जलेर नस्ट भएको छ ।
स्थानीय लोकनाथ पाठकको टिन र काठले बेरा गरेको एकतले घर पूर्ण रुपमा जलेर नष्ट भएको सञ्चारकर्मी ख्यामराज ढकालले जानकारी दिएका छन् ।

स्थानीयको पहलमा आगो नियन्त्रणमा आएको छ । मानवीय क्षति हुन नपाएपनि घरभित्रका अन्न,लत्ता कपडा,महत्वपूर्ण कागजात र नगद जलेर खरानी भएको ढकालले बताएका छन् ।
भोली छोरीको शुभ विवाहको तयारी गरिरहेका लोकनाथको आज अचानक आगलागीबाट घर जलेपछि गाउँ नै शोकाकुल भएको छ ।
दुर्घटनाबाट कति क्षति भयो भन्ने पुरा विवरण आउन बाँकी छ । ( इलाम खबर)