माईजोगमाईमा लैङ्गिक हिंसा बिरूद्दको १६ दिने अभियान अन्तरगत प्रभातफेरी कार्यक्रम

“हामी सबैको प्रतिबद्धता : लैङ्गिक हिंसा अन्त्यको लागि ऐक्यबद्धता” भन्ने मुल नाराका साथ लैङ्गिक हिंसा बिरूद्दको १६ दिने अभियान अन्तरगत आज माईजोगमाई गाउँपालिकाको केन्द्र नयाँबजारमा प्रभात फेरी कार्यक्रम सम्पन्न भएको छ ।

कार्यक्रम महिला समन्वय समितिका अध्यक्ष उषादेवी दाहालको संयोजकत्वमा साथै माईजोगमाई गाउँपालिका अध्यक्ष कुश बहादुर थेवे ,उपाध्यक्ष प्रविना राई, प्रमुख प्रशासकीय अधिकृत कुमार बस्नेत, वडा नं १ का वडाध्यक्ष याम कुमार कार्की, वडासदस्य भक्त चेमजोङ , वडा सदस्य कल्पना रसाईली, महिला संवन्वय समितिका पदाधिकारीहरू, बिद्यालयका बिद्यार्थीहरू ,शिक्षक ,महिला स्वस्थ्य संयमसेविकाहरू, कार्यलयका कर्मचारीहरू लगायतको उपस्थितिमा प्रभातफेरी कार्यक्रम पश्चात् कार्यक्रम कोण सभामा परिणत भएको थियो ।

उक्त कोण सभामा बिद्यार्थी एल्विसा भट्टराई ,गाउँपालिका उपाध्यक्ष प्रविना राई, अध्यक्ष कुश बहादुर थेवे लगायतले मन्तब्य राख्नुभएको थियो । कार्यक्रमको संचालन सामाजिक बिकास शाखा प्रमुख मान बहादुर पौडेलले संचालन गर्नुभएको थियो ।