वरिष्ठ गायक योगेश वैद्यको ७७ वर्षको उमेरमा निधन भएको छ । गायक तथा संगीतकार वैद्यकाे गतराति निधन भएकाे हाे ।
लामो समयदेखि मधुमेह रोगबाट पीडित वैद्यको बिहीबार राति १२ः३० बजे काठमाडौं भ्याली अस्पताल सुन्धारामा निधन भएको संगीतकार टीका भण्डारीले सामाजिक सञ्जाल फेसबुमा लेख्नुभएकाे छ ।
उहाँले स्वरवद्ध गर्नुभएकाे ‘सपना भुलाइ सारा’, ‘मेरो आँशुमा नहाँसे’, ‘नेपाल मेरो उपहार भो’ आदि गीतहरू लोकप्रिय छन् । गायक वैद्यले नेवारी भाषामा समेत चर्चित गीतहरू गाउनु भएकाे छ ।
उहाँकाे पार्थिव शरीरीकाे आज (शुक्रबार) पशुपति आर्यघाटमा अन्त्येष्टि गर्ने पारिवारिक स्रोतले जनाएको छ ।
add a comment
