नेपालज्योति माध्यमिक बिद्यालय माईजोगमाई -४ नामसालिङ इलामको ७१औ वार्षिकउत्सब समारोह आज सम्पन्न भएको छ ।
बार्षिक उत्सवको अवसरमा आज अन्तरबिद्यालय स्तरिय नृृत्य प्रतियोगिता(कक्षा-१-५) ,अन्तर बिद्यालय स्तरिय रिले दौड, विभिन्न आन्तरिक एथ्लेटिक्स खेल्हरु साथै विभिन्न मनोरन्जनात्मक कार्यक्रम सम्पन्न भएको हो ।
कार्यक्रम विद्यालय व्यबस्थापन समितिका अध्यक्ष नेत्र बहादुर देवानको अध्यक्षता तथा माईजोगमाई गाउपालिका अध्यक्ष कुश बहादुर थेवेको प्रमुख आथित्यता तथा वडा नं ३ का वडाअध्यक्ष राम घिमिरे , वडा नं ४ का वडाअध्यक्ष डुरन देवान कार्यपालिका सदस्यहरू वडा सदस्यहरू अभिभावक स्थानिय बुद्दिजिविहरू समाजसेवीहरू शिक्षक विद्यार्थी लगायतको उपस्थितिमा सम्पन्न भएको हो ।
कार्यक्रमको अवसरमा पुर्व विद्यालय ब्यबस्थापन समिति अध्यक्ष चिरञ्जिबि नेपाल र पुर्व प्रधानाधयापक श्री सन्तोष कुमार देवानलाइ सम्मान समेत गरिएको थियो । कार्यक्रममा स्वगत मन्तब्य बाल क्लवका सदस्य नमिता आचार्यले राख्नुभएको थियो भने कार्यक्रमको संचालन बिद्यालयका शिक्षक खेर कुमार अधिकारी र गंगा तिम्सीनाले गर्नुभएको थियो ।
