✍️ ढाकानाथ खतिवडा / माईजोगमाई
साउन लाग्यो मेहेन्दी चुरा लाली देउन् कान्छा
रिचार्ज छैन माेबाइलमा हाली देउन् कान्छा ।
साडी चाेलाे साथमा लगाई मन्दिरमा आउला
बहुत राम्री भइछाै भनि ताली देउन् कान्छा ।
म जुटाउला सामान सबै सक्रान्तिकाे साँझमा
चारै सुरमा साउने लुताे फाली देउन् कान्छा ।
मनका इच्छा अपुरा छन् अधुरै छन सपना
तिनै सपना साथमा लगि पाली देउन् कान्छा ।
मलाई महंगो जीवन र सामान चाहिदैन
अटुट माया सँगै सिन्दुर खाली देउन् कान्छा ।।
add a comment
