घरेलु मैदानमा माईजोगमाई सेमी फाईनलमा प्रबेश : माईजोगमाई अध्यक्ष कप (भिडियो सहित)
माईजोगमाई खेलकुद परिषदको आयोजनामा माईजोगमाई गाउपालिका अध्यक्षकप आज तेस्रो दिनको खेल सम्पन्न भएको छ ।
आजको खेल माईजोगमाई गाउपालिका र संदकपुर गाउँपालिका बिच खेल भएको थियो । खेलमा माईजोगमाईको तर्फबाट ४ गोल र संदकपुरको तर्फबाट १ गोल गरेका थिए ।
आजको खेलको पहिलो हाफमा माईजोगमाई गाउँपालिकाको तर्फबाट जर्सी नं ७ का खेल्लाडी निशान राईले पहिलो गोल गरेका थिए भने पहिलो हाफमा नै जर्सी नम्बर ११ का खेल्लाडी लकुश राईले दोस्रो गोल गरेका थिए ।खेलको दोस्रो हाफमा माईजोगमाईका तर्फबाट जर्सी नम्बर ७ का खेल्लाडी निसान राईले तेस्रो र चौथो गोल गरेका थिए । आफ्नो टिमलाई जितको नजिक लानको लागि संदकपुर गाउँपालिकाको तर्फबाट जर्सी नं १८ का पेम्बा गुरुङले १ गोल गर्दै आफ्नो टिमलाई अगाडी बढाएका थिए ।
आजको खेलको म्यान अफ द म्याच माईजोगमाई गाउँपालिकाका जर्सी नम्बर ७ का खेल्लाडी निशान राई घोषित भएका थिए ।
आजको खेल सगै माईजोगमाई गाउँपालिका सेमी फाईनलमा प्रबेश गरेको छ । माईजोगमाई गाउँपालिका आगमी १६ गते हुने सेमिफाईनलमा खेल्ने छ ।
भोलि हुने खेल ईलाम नगरपालिका र चुलाचुली गाउँपालिका बिच हुने छ ।
खेलको बिजेताले नगद रु दुई लाख दश हजार साथमा ट्रफी मेडल र प्रमाण पत्र हात पार्ने छ । उपबिजेता टिमले रु एक लाख बिस हजार साथमा ट्रफी मेडल र प्रमाणपत्र हात पार्नेछन् । खेलको फाईनल खेल बैशाख १९ गते माईजोगमाई गाउँपालिका नयाँबजारको बालागुरु खेलमैदानमा हुने छ ।खेलको प्रत्यक्ष प्रशारण माईजोगमाई खवरले दैनिक रुपमा गरिरहेको छ ।
फोटोको लागि लिङ्क :
https://www.facebook.com/100064777236859/posts/617914190377817/
भिडियोको
https://www.youtube.com/live/SeUm_I2NHrw?feature=share
https://www.youtube.com/live/F_WmTF_1NF0?feature=share
