माईजोगमाईमा मेलमिलापकर्ताहरुका लागि पुनर्ताजगी तालिम सम्पन्न 

माईजोगमाई गाउँपालिकामा मेलमिलाप कर्ताहरूको लागि पुनर्ताजगी  सम्पन्न भएको छ ।

माईजोगमाई गाउँपालिका न्यायिक समितिको आयोजनामा प्रत्येक वडामा २/२ दिन संचालित कार्यक्रम सम्पन्न भएको हो । कार्यक्रम माईजोगमाई गाउँपालिका न्यायिक समितिका सदस्य तथा माईजोगमाई गाउँपालिका वडा नं १ का वडाध्यक्ष याम कुमार कार्कीको अध्यक्षता साथै माईजोगमाई गाउँपालिका अध्यक्ष कुश बहादुर थेवेको प्रमुख आथित्यता तथा माईजोगमाई गाउँपालिका वडा नं १ का वडासदस्य भक्त चेमजोङ्ग  माईजोगमाई गाउँपलिका उजुरी प्रशाशक श्याम सेम्बो  , ईलामका न्यायधिवक्ता तारा घिमिरे, वडाका टोल बिकास समितिका पदाधिकारीहरू , वडाका मेलमिलापकर्ताहरू लगायतको उपस्थितिमा नयाँबजारमा पुनर्ताजकी तालिम सम्पन्न भएको हो । माईजोगमाईको सबै  वडामा संचालन भएको तालिम हिजोसम्म संचालन भएको थियो ।   तालिमको सहजिकरण उजुरी प्रशाशक स्याम सेम्बो र न्यायधिवक्ता तारा घिमिरेले सहजिकरण गर्नुभएको थियो ।। 

स्थानीय तहका न्यायिक समितिहलाई मेलमिलापको जिम्मेवारी दिइएको छ । स्थानीय सरकार सञ्चालन ऐन २०७४ को दफा ४७ (२) ले समितिलाई केही मुद्दाको विवाद निरुपण मेलमिलापबाट गराउनु भनेको छ । सरकारी, सार्वजनिक वा सामुदायिक बाहेकको हकका जग्गा अर्कोले च्यापेर, मिचेर वा घुसाएर खाएकोमा, आफ्नो हक नपुग्ने अरुको जग्गामा घर वा कुनै संरचना बनाएकोमा, पति पत्नीवीचको सम्बन्धि विच्छेद, अङ्गभङ्कबाहेकको बढीमा एक बर्षसम्म कैद हुन सक्ने कुटपिटका उजुरी गाली बेइज्जती र लुटपिटका समस्या मेलमिलापबाट समाधान गर्न दिइउका मुद्दा वा उजुरीको सूची हुन् ।